Holdıng ókiliniń sózine sáıkes sońǵy 5 jyl ishinde 68 myń nesıe berildi, onyń 30,6% kásipker-áıel agrobıznesi úlesinde. Holdıngtiń enshiles kompanııasy «Aýyl sharýashylyǵyn qoldaý qory» AQ-da Birikken Ulttar Uıymynyń Damý baǵdarlamasymen qarjylandyrylatyn aýyldaǵy nesıelendirý baǵdarlamasy sheńberinde basymdylyq áıelderge dep kórsetilgen. Jalpy, BUUDB baǵdarlamasy boıynsha áıelderge 103 qaryz berildi – bul qaryz kóleminiń jalpy kórsetkishiniń 40,1 paıyzy (barlyǵy 257).
«QazAgro» Holdıngi áıelder úshin aýyldaǵy bıznesin ashýǵa, jobalardy qarjylandyrýǵa, aınalym qarajatyn alýǵa jáne taǵy basqa kásipkerlik maqsattardy júzege asyrýǵa árqashan daıyn ekendigin Aıgúl Muhamadıeva aıtyp ótti.
2018 jyldyń 2 naýryzynda áıelder kásipkerligi suraqtary respýblıkalyq konferensııa barysynda talqylandy, atalǵan sharada Qazaqstan Respýblıkasy Parlament depýtattary, memlekettik jáne jergilikti atqarýshy organdar, damý ınstıtýttary, qoǵamdyq uıymdar men bıznes ókilderi qatysty.
«QazAgro» ulttyq basqarýshy holdıngi» AQ óziniń qurylymyna kiretin kompanııalardyń ınvestısııalyq aktıvterin tıimdi basqarý arqyly, Qazaqstannyń agroónerkásiptik keshenin damytý boıynsha memlekettik saıasatty iske asyrady. Holdıngtiń quramyna «QazAgroQarjy» AQ, «Agrarlyq nesıe korporasııasy» AQ, «Aýyl sharýashylyǵyn qarjylaı qoldaý qory» AQ, «Azyq-túlik kelisim-shart korporasııasy» ulttyq kompanııasy» AQ, «QazAgroО́nim» AQ, «QazAgroKepil» AQ jáne «QazAgroMarketıng» AQ enedi.
